E meritojmë të shkojmë tutje

Në konferencën e fundit për shtyp të kombëtares shqiptare, ka qenë i pranishëm kapiteni i dy ndeshjeve të fundit, Ansi Agolli, i cili ka folur në lidhje me ecurinë e skuadrës në Kampionatin Europian dhe pritjet për kualifikim më tutje.

“Pas dy ndeshjeve të para pafat besoj dhe shpresoj shumë që do të kemi fatin që ta luajmë edhe një ndeshje këtu. Mendoj se nuk është vetëm fati, por edhe e meritojmë me atë që kemi treguar në këto tri ndeshje,” tha Agolli ndër tjerash.

Veterani i krahut të majtë të mbrojtjes ka qenë i padiskutueshëm nga trajneri Gianni De Biasi në formacionin e ekipit kuqezi.