E mposhtëm Italinë në tribuna

I kënaqur me paraqitjen dhe me mend në të ardhmen e skuadrës kuqezi, Gianni De Biasi, është shprehur i kënaqur me futbollistët e tij pas ndeshjes. 

Për më tepër, ai ka thënë se nëse jo në fushë, Shqipëria i mposhti italianët në tribuna. 

“Të paktën arritëm t’i mposhtim në tribuna italianët dhe besoj se gjithçka shkoi mirë. Ishte një ndeshje që e luajtëm mirë. U mposhtëm, por nga fusha nuk dolëm të humbur. Besoj që skuadra po ecën në rrugë të duhur,” kanë qenë fjalët e përzgjedhësit të përfaqësueses shqiptare pas ndeshjes, transmeton Panorama Sport. 

Italia, në ndeshjen e parë ndaj Shqipërisë, doli fituese me golin e sulmuesit të Sampdorias, Stefano Okaka, 1-0.