E pesta me radhë, ruhet kreu

E pesta fitore me radhë për Feronikelin ka ardhur sot në takimin e luajtur ndaj Lirisë në Drenas, takim në të cilin u shënuan plot 6 gola.

Fillimisht për epërsinë e vendasve shënoi Astrit Fazliu nga pika e bardhë, ndërsa epërsinë e dyfishoi Lapidar Lladrovci në minutën e 30’, duke shënuar një gol me kokë pas krosimit nga Hoxha. Pak para përfundimit të pjesës së parë, Gashi i prizrenasve e ngushtoi disavantazhin e skuadrës së tij dhe skuadrat shkuan në pushim me rezultatin 2-1 në favor të Feronikelit.

TABELA AKTUALE

Në pjesën e dytë të pranishmit në “Rexhep Rexhepi” panë edhe 3 gola, dy nga vendasit e një nga mysafirët dhe kështu ndeshja u mbyll me fitoren e Feronikelit me rezultatin përfundimtar 4-2.

Me këtë fitore skuadra nga Drenasi e ruan kreun e klasifikimit, kurse Liria pas 7 xhirove ka vetëm 6 pikë.

FORMACIONET STARTUESE