BËHEN KATËR NË NJË SKUADËR
Edhe Bekim Balaj përfundon në ligën e dytë turke
30 January, 2022 @16:27
Sulmuesi i Shqipërisë, Bekim Balaj, është zyrtarizuar si lojtar i ri i ekipit të kategorisë së dytë turke, Boluspor.
Klubi në fjalë ka zyrtarizuar sot shqiptarin si lojtar të ri të ekipit, ndërsa ka botuar fotografitë me shkodranin duke nënshkruar kontratën zyrtarisht.
Së fundi, Balaj ka qenë pjesë e ekipit rus Nizhny Novgorod.
Boluspor është i 13-ti në renditjen tabelare të 1. Lig të Turqisë.
Futbollisti 31-vjeçar përndryshe ka shënuar tetë gola në 45 paraqitje me Shqipërinë.
Te Boluspor aktualisht janë edhe futbollistë tjerë të Shqipërisë si Odise Roshi, Dejvi Bregu dhe portieri Gentian Selmani.
