Edhe Liria me ekip të femrave

Skuadra e Lirisë sot ka bërë të ditur se i ka vënë themelet edhe për skuadrën që do të garojë në konkurrencën e femrave.4

Kryetari i Lirisë, Mirsad Çollaku, ka thënë për faqen zyrtare të klubit se kjo është realizuar edhe një synim i bordit.

“Që nga ardhja në krye të Lirisë, ne si Bord, kemi pasur synim  zhvillimin dhe popullarizimin e lojës së futbollit. Njëri nga synimet ka qenë edhe  fillimi i punës me ekipin e vajzave, që paraqet një histori në vete. Prizreni është një qytet i madhë me rrethinë poashtu të madhe. Andaj, shpresojmë që në të adhmen e afërt të kemi sukses edhe në këtë garë,” ka thënë Çollaku.

Ekipi i femrave të Lirisë, që ka rreth 30 vajza të moshës 14-15 vjeçare, ka filluar punën me trajnerët Naif Jahaj dhe Granit Gashi, ndërsa së shpejti pritet edhe emërtimi i kryetrajnerit.