LOJTARI I LAZIOS
Edhe Riza Durimisi pranë Superligës turke
8 May, 2020 @17:00
Një tjetër lojtar me origjinë shqiptare është pranë transferit në Superligën turke të futbollit, bëjnë të ditura mediat e atjeshme.
Riza Durmisi që paraqitet për reprezentacionin e Danimarkës dhe është lojtar i Lazios, është duke u shikuar si opcion huazimi dy vjeçar nga ekipi i Vedat Muriqit, Fenerbahçe, shkruan sot gazeta Fotomaç.
Durmisi 26 vjeç që luan në krah të majtë të mbrojtjes kishte debutuar për kombëtaren daneze në ndeshje ndaj Shqipërisë. Ai së fundi u ble nga Lazio prej Betisit spanjoll.
Mirëpo, forma e mirë e Lazios bëri që ai të mos gjej vend në skuadër dhe së fundi ka qenë i huazuar te Nice në Ligue 1. Pasi që Ligue 1 përfundoi, lojtari i është kthyer Lazios dhe mundësinë e radhës po shikon ta shfrytëzojë Fenerbahçe.
Në Superligën turke janë disa futbollistë nga Kosova, me yjet Vedat Muriqi e Florent Hadërgjonaj. Loret Sadiku është qe sa vite aty. Ditë më parë u përfol për mundësinë e kalimit të Fidan Alitit dhe tash edhe të Durmisit.
Riza Durmishi është me origjinë nga Tetova dhe është gjeneratë e dytë e durmishëve në Kopenhagë. Ai ka lindur në Danimarkë.