Edhe Vajushi në Serie A!

Futbollisti i kombëtares shqiptare, Armando Vajushi, mund të kalojë në Serie A, ka shkruar sot Panorama Sport. 

Në një intervistë me këtë gazetë ai ka thënë se ka ofertë zyrtare nga Chievo e Veronës, ndërsa përflitet edhe për interesimin e Udineses dhe Atalantas. 

Mesfushori 23 vjeçar i Litex Lovech të Bullgarisë, ku ai është duke e kaluar stinorin e katërt, në fund të qershorit mbetet lojtar i lirë dhe ekipi bullgar po se shiti tani, mbetet pa dëmshpërblim në fund të stinorit. 

Shkodrani Vajushi merr rregullisht ftesa nga Gianni De Biasi në kombëtaren shqiptare, por nuk është pjesë e ekipit të parë. 

Vajushi kishte kaluar nga Vllaznia e Shkodrës te Litex në janar të vitit 2012 për 40 mijë euro dëmshpërblim.