FRANKFURT AM MAIN
Eintracht, ngujon Dortmundin
30 November, 2014 @19:34
Borussia e Dortmundit, nuk po arrin të këndellet assesi në Bundesligë. Ekipi i Jurgen Kloppit ka pësuar sonte disfatën e tetë të stinorit, duke u bërë ekipi me më së shumti humbje në elitën gjermane.
Eintracht Frankfurt ka qenë dominues në Commerzbank Arena dhe me golat e Alex Meier e Haris Seferovic, ka goditur edhe njëherë verdhezinjtë nënkampion, që mbetën të ngujuar në fund të tabelës.
Pas 7 xhirove pa fitore, me fitore ndaj Borussia Monchengladbachut dhe barazim ndaj Paderbornit u mendua se ekipi i Kloppit do të këndellet, por jo, Eintracht u tregua i fuqishëm sot.
