Vëllaznimi ndanë rrugët me trajnerin Malinkov

Skuadra e cila në xhiron e fundit regjistroi humbjen e tetë rresht këtë stinor dhe së fundi ra në pozitën e fundit të renditjes tabelare, Vëllaznimi, ka ndarë rrugët me trajnerin Ljupcho Malinkov, ka mësuar TopSporti.com nga burimet brenda klubit gjakovar.

Maqedonasi Malinkov që nisi mirë me Vëllaznimin duke fituar disa ndeshje të rëndësishme si ndaj Pejës e Prishtinës, duke shkaktuar befasi të dorës së parë, në ndërkohë iu kthye humbjeve dhe së fundi ka pasur lojëra të mira dhe lufta deri në fund e skuadrës, nuk rezultoi me rezultate pozitive.

Kjo shtyu që drejtuesit e klubit me marrëveshje të dyanshme me trajnerin Malinkov të ndajnë rrugët dhe kështu shpejt Vëllaznimi pritet të sjellë një trajner të ri në skuadër.

Kujtojmë, Vëllaznimi këtë stinor u fut në Superligë nga Liga e Parë dhe me përforcimet e bëra ia nisi mirë stinorit, duke i shtuar shije Superligës.

Aktualisht ekipi gjakovar ka bilans prej 4 fitoreve e 15 humbjeve në Superligë, ndërsa në mesjavë do të garojë në Final 8 të Kupës së Kosovës duke u ndeshur me ekipin e Ponte Prizrenit në çerekfinale të garës.

Ekipin tash e tutje do ta drejtojë trajneri Shkumbin Kumnova, derisa klubi të kërkojë një trajner tjetër në ndërkohë.