Eric Cantona në “Premier League Hall of Fame”

Pas emrave Thierry Henry dhe Alan Shearer, emri i tretë që ka zënë vend në “Premier League Hall of Fame” është Eric Cantona, ish-futbollisti francez, i njohur për periudhën e tij fantastike si sulmues i Manchester United.

156 paraqitje, 70 gola, 56 asistime dhe 4 tituj të Premier League janë numrat që e përshkruajnë periudhën e Cantonas te Manchester United, pa e harruar edhe goditjen e famshme Kung-Fu.

“Jam i lumtur dhe krenar, por aspak i befasuar.” - u shpreh Cantona pas përzgjedhjes për “Hall of Fame”, duke shfaqur edhe një herë egocentrizmin dhe karizmën e tij.