Estonia mposht edhe Suedinë

Pas triumfit të shënuar në turneun në Portugali, skuadra e Estonisë në basketboll që është rivale e Kosovës në parakualifikime për Botërorin Kina 2019, pardje ka mposhtur edhe Suedinë në miqësoren e radhës.

Estonia ka fituar ndeshjen 77-72 të zhvilluar në Talin, ndërsa reprezentacioni estonez është dalluar në pjesë të dytë, kur edhe ka bërë dallimin në rezultat për të përmbysur epërsinë suedeze nga 20 minutëshi i parë i ndeshjes.

SHIKO: Orari dhe Grupet parakualifikuese

Selektori suedez, ish-lojtari i Bashkimit të Prizrenit dhe Pejës, Vedran Bosnic, ka thënë se ekipi i tij sa ka qenë i mirë në pjesën e parë (35-45 PP) aq ka qenë i dobët në pjesën e dytë, pasi që u ra fokusi në ndeshje për të pësuar në fund (77-72 FT).

Kirstjan Kitsing mbetet lojtari më i dalluar i ekipit. Ai shënoi 18 pikë në këtë përballje, derisa Erik Keedus shtoi 15 e Sten-Timmu Sokk 12 të tjera në fitore.