NORRKOPING - PRISHTINA 5-0
Europë, jemi larg!
29 June, 2017 @21:41
Debutimi i shumëpritur, përfundoi me rezultat aspak të pritur nga futbollistët prishtinas.
Nënkampionja e Kosovës, është mposhtur bindshëm në udhëtimin historik në Suedi, ku u ndesh me skuadrën Norrkoping në ndeshjen e parë kualifikuese në UEFA Europa League.
Dëshpërimi filloi qysh në minutën e dhjetë, kur David Karlsson shënoi golin e parë për epërsinë e vendasve.
Më pas erdhën golat e njëpasnjëshme, sa që prishtinasit e humbën përqëndrimin krejtësisht.
Pjesa e parë përfundoi me 5-0 rezultat, ndërsa në pjesën e dytë, futbollistët e Norrkopingut të stërkënaqur me rezultat, nuk u munduan edhe aq shumë për të bërë më shumë.
Prishtina do ta zhvillojë ndeshjen e kthimit javën e ardhshme, ndërsa shpresat tashmë janë humbur krejtësisht për kualifikim.
