FBK shpall konkurs për WildCard

Federata e basketbollit të Kosovës sot ka shpallur konkurs për një ekip, që pritet të mbush vendin e KB Peja në Superligë.

Edhepse KB Peja, mësohet se ka filluar të arrijë marrëveshje me lojtarët, FBK-ja nuk ka përfillur këtë pasi që Peja nuk është deklaruar zyrtarisht dhe tashmë konkursi është hapur.

KUSHTET E KONKURSIT PËR WILDCARD:

Kushtet për një klub për të konkurruar për ëild card, sipas nenit 5 të Rregullores për Sistematizim dhe Licencim janë:

1. Të ketë garuar në edicionin 2017/18 në garat e FBK-së dhe ti ketë përmbushur të gjitha obligimet ndaj FBK-së;

2. Të ketë në dispozicion me qasje të vazhdueshme një palestër të sporteve me terren të basketbollit sipas dimensioneve dhe rregullave të FIBA-s;

3. Të ketë në dispozicion me qasje të vazhdueshme një palestër të sporteve me pajisjet teknike përmbajtjen e rezultatit të ndeshjes, kohës, kohës së aksionit (posedimit të topit) dhe gabimeve personale sipas standardeve të FIBA-s;

4. Të ketë në dispozicion me qasje të vazhdueshme një palestër të sporteve me kosha të basketbollit me tabela dhe rrjeta sipas propozicioneve të FBK-së dhe rregullave të FIBA-s;

5. Të ketë në dispozicion me qasje të vazhdueshme një palestër të sporteve me zhveshtore për dy ekipe, një zhveshtore për personat zyrtarë një hapësirë të klubit me zyrë, të pajisur me telefon, internet;

6. Të ketë nën kontratë së paku 3 trajnerë të licencuar;

7. Të ketë në dispozicion së paku një person të autorizuar mjekësor;

8. Të ketë në dispozicion së paku një zyrtar - komesar për siguri;

9. Të ketë të licencuar së paku një përfaqësues zyrtar në FBK;

10. Të ketë internet dhe të mundësojë qasje në internet në dhe afër tavolinës zyrtare;

11. Të ketë hapësirë për konferenca për shtyp dhe tu mundësojë gazetarëve punë komode në ndeshjet e Superligës;

Klube e interesuara duhet të paraqesin kandidaturën e tyre tek Zyra Ekzekutive e FBK-së, apo edhe në email adresën [email protected]

Afati për shprehje interesi është deri më 20 gusht 2018 në ora 17:00, ndërsa për përmbushje të obligimeve për WildCard deri më 24 gusht 2018 në ora 17:00.