ATLETICO MADRID 4-0 CADIZ
Felix e Suarez bëjnë Atleticon lider me një ndeshje më pak
7 November, 2020 @23:08
Performancë brilante e portugezit të ri Joao Felix dhe gol nga ish-lojtari i Barcelonës Luis Suarez, në fitoren e sontme të Atletico Madridit të Diego Simeones që i çoi ata në krye të klasifikimit të La Ligas.
Rojiblancot kanë 17 pikë nga 7 ndeshje të zhvilluara dhe kanë marrë kreun nga Real Sociedadi, pasi që kanë gol-dallim më të mirë aktualisht.
Madrilenët shënuan 4 herë në Wanda Metropolitano për të mposhtur Cadizin 4-0 [Felix 8, 90, Llorente 22, Suarez 51]. Felix asistoi edhe te goli i Suarezit.
I treti në renditje është Real Madridi me një pikë më pak se dyshja udhëheqëse.
