Ferizaj-Vllaznia, gati për barazh

Gjithnjë e më shumë po afrohet dita kur Vllaznia po synon për herë të parë inkuadrimin në Superligë.

Ekipi i Pozharanit këtë stinor ka arritur të sigurojë një vend për barazh të Superligës (vendi 3 në Ligë të Parë) dhe fati deshi që të luajë ndaj ekipit fqinj, Ferizajit, që përfundoi i dhjeti në Superligë këtë stinor.

Dueli vendimtar për skuadrat që po kërkojnë edhe një stinor në Superligë do të zhvillohet të shtunën me fillim nga ora 16 në “Riza Lushta” të Mitrovicës, kurse skuadrat kanë ftuar edhe publikun e tyre që lojtarët të kenë përkrahje sa më të madhe para kësaj ndeshjeje vendimtare.

Nëse fitues nuk ka pas 90 minutave, shkohet në vazhdime dhe pas kësaj edhe në penallti për të përcaktuar ekipin që do të sigurojë Superligën.