Feronikeli nënshkruan me mesfushorin malazez

Skuadra nga Drenasi, Feronikeli, ka zyrtarizuar përforcimin e parë për stinorin 2020/21.

Nikli ka nënshkruar kontratë me mesfushorin malazez, Marko Milickovic.

Milickovic është 22 vjeçar, luan në pozitën e mesfushorit ofansiv. Ai gjatë karrierës së tij ka luajtur te skuadrat si: OFK Titograd, Mladost dhe Otrant të Ulqinit.

Feronikeli ka bërë të ditur se do të ketë edhe përforcime të tjera, derisa skuadra nga Drenasi do t’i kthehet stërvitjeve më 10 gusht.