Ferronikeli me përgatitje ëndrrash

Sipas një njoftimi të skuadrës kampione dhe lidere në Superligë, Ferronikeli, drejtuesit e kësaj skuadre do të mundësojnë edhe një fazë stërvitore ëndrrash për futbollin kosovar. 

Ekipit i ishte premtuar që, nëse dalin liderë në pjesën vjeshtore do të shkojnë për përgatitje në Turqi, ku do të nisen këto ditë. 

Mirëpo, me këtë nuk përfundojnë premtimet te ekipi nga Drenasi, pasi që nëse shpallen kampionë në fund të stinorit lojtarëve i është premtuar faza përgatitore në Spanjë, është cituar të ketë thënë drejtori i ekipit Artan Berisha nga Koha Ditore sot. 

Në vitet e fundit, ekipet kosovare kryesisht zgjedhin bregdetin shqiptar dhe malazez, ndërsa rrallë ndonjë ekip shkon për përgatitje në Turqi.