Ferronikeli, rrëmben Zhdrellën

Ferronikeli ka zyrtarizuar mbrëmë vonë, Mentor Zhdrellën, si përforcim të ri të skuadrës. Kampioni i fundit i Kosovës në futboll, ka bërë të ditur se lojtari ka arritur marrëveshje me ekipin, derisa vetë lojtari ka thënë për mediat se ka vendosur për ekipin më serioz. 

Në anën tjetër Besa ka reaguar ashpër me këtë ‘lojë’ të Zhdrellës, pasi që edhe ekipi pejan kishte zyrtarizuar marrëveshjen me lojtarin në fjalë ditë më parë, pasi që ishin marrë vesh përmes E-Mailave me lojtarin. 

Epilogu i gjithë kësaj, katër herë lojtari më i mirë i Kosovës, që së fundi barti fanellën e Prishtinës, është pjesë e Ferronikelit, kampionit të Kosovës, që tashmë duket se po shkon në rrugë për të mbrojtur titullin kampion.