Ferronikeli vazhdon me fitore

Ferronikeli ka shënuar fitore në ndeshjen hapëse të xhiros së XXVIII të Superligës, duke e mposhtur Trepçën në Adem Jashari të Mitrovicës. 

Skuadra e Gani Sejdiut ka marrë heret në ndeshje epërsinë, përmes lojtarit më efikas të ekipit, Behar Maliqi, që realizoi penalltinë në minutën e shtatë të ndeshjes. 

Pas këtij goli Trepça morri iniciativën në ndeshje duke tentuar disa herë për të shënuar deri në fund të pjesës së parë, por tentimet e mitrovicasve nuk gjetën rrjetën e Granit Kolshit. 

Pjesa e dytë nisi me iniciativë të Ferronikelit, por Përparim Livoreka e Mendurim Olluri nuk u treguan të mprehtë para portës kundërshtare. 

Mitrovicasit ringjallen në mes të pjesës së dytë dhe pandalshëm sulmojnë për të rrezikuar seriozisht portën e liderit, bile ata qëlluan edhe shtyllën, por golin nuk e gjetën. 

Në fund, Qemal Elshani përmes një akcioni gjindet më së miri para portës së Trepçës për të siguruar fitoren jo të lehtë për liderin - por të rëndësishme. 

Trepça ka harruar çfarë shije ka fitorja, derisa Ferronikeli është duke vazhduar luftën për titull duke mbajtur sigurtë epërsinë në krye të tabelës.

REZULTATET DHE TABELA AKTUALE