Të gjitha lajmet

NJOFIMI I FEDERATËS

FFK do të nis punën për rifillim të garave

FFK do të nis punën për rifillim të garave

21 April, 2020 @22:05

FFK-ja më në fund ka botuar njoftimin e saj lidhur me mbledhjen e mbajtur sot me UEFA-në dhe anëtarët tjera të saj.

Përkundër se informatat nga ky video takim janë publikuar nga të gjitha mediat, e vetmja gjë që vlen të theksohet është fjalia ku FFK përmend mundësinë e rifillimit të garave të Superligës, pasi që UEFA ka kërkuar që të gjitha kampionatet të përfundojnë deri në 20 korrik.

Agim Ademi & Eroll Salihu

Njoftimi i plotë i FFK-së:

Gjatë kësaj video-konference UEFA bëri të qartë se duhet bërë të gjitha përgatitjet për rifillimin e garave, derisa u diskutuan edhe opsionet e ndryshme në lidhje me kalendarin e garave në vazhdim. Tema e parë e diskutimit ishte zhvillimi i ndeshjeve të Kombëtareve në UEFA Nations League në muajt shtator, tetor dhe nëntor, si dhe ndeshjet e ‘play-off’-it për Kampionatin Evropian. Fillimisht ishte paraparë që ndeshja Maqedoni e Veriut – Kosovë dhe ndeshjet e tjera të “play-off”-it të luheshin në shtator, por të gjitha federatat pjesëmarrëse të këtij ‘play-off”-i e shprehën qëndrimin e tyre që ato të luhen në tetor ose nëntor, për çka tashmë i mbetet Komitetit Ekzekutiv të UEFA-s që në mbledhjen që do të mbajë të enjten të del me qëndrimin përfundimtar.

Temë e dytë e diskutimit ishte çështja e rifillimit të kampionateve dhe ndeshjet parakualifikuese për edicionin e ri në Champions League dhe Europa League. Me këtë rast, UEFA u dha afat federatave anëtare të saj që kampionatet t’i përfundojnë më së largu deri më 20 korrik. Prandaj, tashmë Federata e Futbollit e Kosovës do të fillojë përgatitjet për rifillimin e garave, por normalisht se për këtë çështje do të ketë konsultime të vazhdueshme me Institutin Kombëtar të Shëndetësisë Publike dhe me Ministrinë e Shëndetësisë dhe atë të Sportit.

Gjithsesi, rifillimi i kampionatit të Kosovës por edhe vendeve tjera të regjionit do të varet nga ecuria e pandemisë Covid-19 dhe gjendja e përgjithshme e shëndetësisë në vend.
FFK do t’i njoftojë klubet me kohë lidhur me vendimin për rifillimin e garave dhe do t’i japë atyre kohën e mjaftueshme për t’u përgatitur përpara se të rinisin garat.

Gjatë kësaj video-konference është diskutuar edhe çështja e futbollit të femrave, si dhe e grupmoshave U-21, U-19 dhe në futsall, ku shumica e ndeshjeve pritet të shtyhen, por disa do të luhen në kohë të përshtatshme. U bisedua edhe çështja e afatit kalimtar dhe vazhdimit të kontratave, ku FIFA si kompetente për statusin e lojtarëve sugjeroi fuqishëm vazhdimin e kontratave përtej qershorit, duke i ftuar klubet dhe futbollistet të gjejnë mirëkuptim ndërmjet vete.

Ajo çfarë është me rëndësi për UEFA-n dhe anëtaret e saj është që Champions League dhe Europa League të vazhdojnë, pasi janë burimi kryesor i të ardhurave dhe në rast të ndërprerjes atëherë do të rrezikohej e tërë struktura e UEFA-s dhe programi zhvillimor i federatave ‘HatTrick’.

Ndeshjet fillimisht është paraparë të zhvillohen pa praninë e shikuesve dhe më pas varësisht prej rrethanave do të merren vendimet e reja.

MEDIA

3 opcione për Maqedonia-Kosova

21 April, 2020 @19:19

Federatat do të duhet të presin së paku edhe një muaj për të kuptuar datën e saktë të ndeshjes për…

SHKUP

Maqedonia përforcohet para duelit me Kosovën

18 April, 2020 @14:33

Reprezentacioni i Maqedonisë Veriore do të jetë i përforcuar para duelit ndaj Kosovës në PlayOff të Ligës D të Kombeve…

MARCA

De Biasi shkruan libër për historinë me Shqipërinë

TOPSPORTI/ Erdis Driza

14 April, 2020 @19:07

Selektori historik i kombëtares shqiptare Gianni De Biasi në një bisedë me Marcan spanjolle ka bërë të ditur se është…

MEDIA TALK

Challandes: Ideale të luhet në dhjetor

12 April, 2020 @23:51

Selektori i Kosovës Bernard Challandes në një bisedë me Sportin total të KTV-së ka thënë se ideale do të ishte…

MEDIA TALK

Challandes parashikon muajin e ndeshjes Maqedonia V - Kosova

7 April, 2020 @0:21

Selektori më i suksesshëm i Kosovës në historinë e shkurtër të vendit tonë në gara ndërkombëtare, Bernard Challandes, duke folë…

Të gjitha lajmet nga Liga e Kombeve