PARA FILLIMIT TË PRANVERËS
FFK shqyrton ndihmën financiare për klubet
13 January, 2021 @0:32
Federata e Futbollit të Kosovës ka bërë të ditur se pas mbledhjes së Komitetit Ekzekutiv të mbajtur dje (12 janar) është shqyrtuar edhe mundësia e ndihmës financiare për klubet e futbollit.
Federata i kishte ndihmuar klubeve në fillim të pandemisë linearisht, sipas ligave.
Në ndërkohë, në mbledhjen e djeshme ka dalë edhe opsioni i përsëritjes së ndihmës, ku është thënë se FFK do të bëj gjithçka në mundësitë e saja që sërish t’u dalë në ndihmë klubeve.
“KE shqyrtoi edhe mundësitë e përkrahjes financiare të klubeve para fillimit të stinorit pranveror, duke pasur parasysh gjendjen e vështirë të tyre për shkak të pandemisë dhe do të bëjë gjithçka që është në mundësitë e saj që sërish t’u del në krahë klubeve,” ka shkruar në njoftimin e FFK-së.