90MIN DHE ASIST
Fidan Aliti me asist në fitoren e parë të stinorit
18 June, 2020 @22:57
Mbrojtësi i Kosovës, Fidan Aliti, ka regjistruar një asistim në fitoren e ekipit të tij Kalmar sonte.
Pas humbjes në xhiron e parë të stinorit të ri të Allsvenskan, Kalmar i Alitit ka arritur të shënojë fitore bindëse sonte, duke e mposhtur Helsingborgun 4-0 [Ring 14, Froling 36, 75, Magnusson 88].
Aliti sikurse në ndeshjen e parë qe për 90min në ndeshje i pazëvendësueshëm dhe aktiv, derisa asistoi në golin e tretë të skuadrës kurse mbajti portën e paprekur me kolegët e mbrojtjes.
Pas dy xhirove në Allsvenskan, Kalmar ka 3 pikë, ndërsa në xhiron tjetër i shkon Falkenburgut si mysafir.