KUPA E KOSOVËS
Final 8 zyrtarisht në Suharekë
25 January, 2021 @16:30
Qyteti i Suharekës ka fituar të drejtën e organizimit të “Final 8” të Kupës së Kosovës, e cila do të mbahet në datat 3-7 shkurt.
Vendimi është marrë përfundimisht nga ana e Bordit të Federatës së Basketbollit të Kosovës.
“Final 8” fillimisht ishte paraparë të organizohej në Rahovec nga ana e klubit KB Rahoveci, por pas tërheqjes së këtij të fundit, interesimin e vetëm për organizim të kësaj ngjarjeje e shprehu skuadra e KB Golden Eagle Ylli.
Lajmin për organizimin e “Final 8” në Suharekë e bëri të ditur vetë faqja e FBK-së.
