Finalja e shkuar, në çerekfinale

Në zyret e UEFA-së sot është hedhur shorti i Ligës së Kampionëve, ku janë mësuar çiftet çerekfinale. 

Paris St Germain FRA - Barcelona SPA

Atletico Madrid SPA - Real Madrid SPA

Porto POR - Bayern Munchen GjER

Juventus ITA - Monaco FRA

Dy përballjet më interesante priten të jenë, finalja e kaluar e Ligës së Kampionëve, Atletico Madrid - Real Madrid, si dhe Paris St Germain - Barcelona, duke ditur se këto dy skuadrat kanë pasur një përballje tejet joshëse më parë. 

Real Madrid fitoi stinorin e kaluar trofeun e Ligës së Kampionëve duke e mposhtur rivalin lokal Atletico pas vazhdimeve. 

Barcelona dhe Paris St Germain kanë qenë në një grup kualifikues të Ligës së Kampionëve këtë stinor. Parisienët kishin fituar 3-2 në Parc des Princes derisa u mposhtën 3-1 në Camp Nou. Gjithashtu, këto dy skuadra u takuan edhe në çerekfinalen 2012/13 ku Barcelona shkoi përpara në saje të golave të shënuara si mysafir, pasi që rezultati i përgjithshëm kishte qenë 3-3. 

Bayerni nuk pritet të ketë probleme me Porton sikurse edhe Juventusi me Monacon.