1/2: DRITA - RAMIZ SADIKU
Foto: FC Drita
Fitore bindëse e Dritës, shumë pranë finales
7 April, 2022 @15:50
Në ndeshjen e parë gjysmëfinale të Kupës së Kosovës, Drita nga Gjilani ka shënuar fitore bindëse ndaj Ramiz Sadikut.
Skuadrën prishtinase, që është befasia e këtij sezoni të Kupës, Drita e mposhti me rezultat 3-0, për të pasur epërsi të konsiderueshme para ndeshjes kthyese në Gjilan.
Albin Krasniqi (9’) me asistues Ilir Blakçorin, Hamdi Namani (11’) me asistues Almir Ajzerajn dhe Muharrem Jashari (40’) me asistues Albin Krasniqin shënuan për Dritën sot, ndërkohë që për mysafirët nga Prishtina nuk pati as gol të nderit.
Për më tepër, epërsia e Dritës mund të ishte edhe më e thellë, sikur Ardian Cuculi të tregohej i saktë nga pika e bardhë, por mbrojtësi gjilanas e shpërdoroi penalltinë dhe rezultati mbeti 3-0.
Kështu, Drita e nis ndeshjen e kthimit duke qenë në epërsi të lartë dhe rrjedhimisht ndodhet shumë pranë finales, ku do të takohet me fituesin nga dueli Prishtina - Llapi.
Ndeshja e kthimit luhet më 13 prill në Prishtinë.
