1/2: GJILANI - LLAPI
Gjilani eliminon Llapin, arrin finalen e Kupës
19 April, 2023 @17:56
Me fitore minimale 1-0 e ka mbyllur takimin e sotëm ndaj Llapit skuadra e Gjilanit, më se mjaftueshëm për të kaluar në finale të Kupës së Kosovës.
Gjilanasit kishin fituar 1-2 në takimin e parë në Podujevë, e sot e vulosën kalimin në finale me një fitore minimale.
Autori i golit të vetëm në këtë takim ishte Arbnor Ramadani, ish-futbollisti i Llapit, që po kalon formë mjaft të mirë.
Po të kalonte në finale, për Llapin kjo do të kishte qenë finalja e tretë me radhë në Kupë.
Sa i përket Gjilanit, në finale Gjilani do të përballet me Prishtinën, e cila sot e eliminoi Vushtrrinë.
