Fitore në Ferizaj, Llapi çerekfinalisti i fundit

Çerekfinalisti i fundit i Kupës së Kosovës për këtë sezon është Llapi.

Fituesi në fuqi i kësaj kupe sot triumfoi 0-2 ndaj skuadrës së Ferizajt, për të kaluar kështu në çerekfinale të Kupës.

Alban Shillova (30’) nga pika e bardhë dhe Kastriot Selmani (39’), i asistuar nga Alban Shillova, bënë që Llapi të shkojë në pushim mes pjesëve me epërsi të dyfishtë, e pastaj çdo gjë ishte e lehtë.

SKEMA E KUPËS

Gjatë pjesës së dytë Llapi vetëm e menaxhoi ndeshjen dhe nuk shënoi më tepër, por golat e pjesës së parë i mjaftuan për fitore dhe për kualifikim.

Kundërshtarin e çerekfinaleve Llapi do ta kuptojë ditën e enjte, pasi që atë ditë është vendosur të mbahet shorti.