Fitore për këndellje

Pas humbjes dramatike kundër Teodos në mesjavë në Balkan League, Peja është këndjellur me fitore ndaj skuadrës RTV 21. Kampionja aktuale e Kosovës i mposhti Teleboysat me rezultat 106-81.

Vendasit arritën që në çerekun e parë të krijojnë epërsi duke e përmbyllur atë me rezultat 27-17, ndërsa në fund të pjesës së parë rezultati ishte 54-39.

Ekipi mysafir nga Prishtina as në vazhdim nuk arriti t’i bëj konkurrencë Pejës, e cila e përfundoi çerekun e tretë me epërsi prej 13 pikëve, 79-66, dhe në fund shënoi fitore plotësisht të merituar.

House & Shaptahovic me double-double

Dy lojtarët kryesorë tek pejanët, amerikani Fred House dhe organizatori Samir Shaptahovic, edhe në këtë ndeshje ishin bartës të lojës, duke e përmbyllur takimin që të dy me dyshifror të dyfishtë. House realizoi 26 pikë, 11 kërcime e 4 asistime, kuse Samiri shtoi 18 pikë e 14 asistime. Gjithashtu pranë shifrave double-double ishin edhe Mario Edwards, Gerti Shima dhe George Odufuwa.

Në anën tjetër, tek ekipi i trajnerit Andin Rashica i vetmi që u dallua ishte amerikani Jenirro Bush që shënoi 30 pikë dhe 8 kërcime.

Vlen të ceket se Drilon Hajrizi përsëri nuk u aktivizua fare në lojë nga trajneri i Pejës, Slobodan Savovic.

Kjo ishte fitorja e 16-të e Pejës në ETC Superligë në 18 ndeshje të zhvilluara, kurse 21-shi vazhdon të mbetet e parafundit në radhitjen tabelare me vetëm 3 fitore deri më tani.

Rezultatet dhe tabela aktuale.

Statistikat ekipore

	Peja	RTV 21
Çereku i parë	27	17
Çereku i dytë	27	22
Çereku i tretë	25	27
Çereku i katërt	27	15
Kërcime	43	29
Asistime	32	16
Bllokada	4	-
Tentime për tre pikë	8/22	7/28
Tentime për dy pikë	34/54	22/43
Tentime nga gjuajtjet e lira	14/19	16/21

Statistikat individuale te Peja

1	Fred House	26 pikë	11 kërcime	4 asistime
2	Mario Edwards	24 pikë	8 asistime	5 kërcime
3	Samir Shaptahovic	18 pikë	14 asistime
4	Gerti Shima	14 pikë	9 kërcime	1 asistim
5	Teo Simovic	8 pikë	2 kërcime	1 bllokadë
6	George Odufuwa	8 pikë	11 kërcime	5 asistime
7	Ersid Ljuca	8 pikë	4 asistime

Statistikat individuale te RTV 21

1	Jenirro Bush	30 pikë	8 kërcime
2	Blue Trey	12 pikë	8 asistime	3 kërcime
3	Albatrit Berisha	10 pikë	4 kërcime
4	Thimpson Tyrel	10 pikë	2 kërcime	2 asistime
5	Leonard Mekaj	8 pikë	7 kërcime	5 asistime
6	Mustafë Merovci	6 pikë	2 kërcime	1 asistim
7	Driton Bajrami	3 pikë	1 kërcim
8	Steven Pickens	2 pikë	1 kërcime