VUSHTRRIA - FERONIKELI
Fitore rutinore e Feronikelit
9 February, 2019 @15:20
Fitorja e 12 e stinorit për Feronikelin erdhi në ndeshjen kundër Vushtrrisë.
Nikli e deklasoi kundërshtarin duke e mposhtur me rezultat të thellë 59-102.
Sami Hajzeri ishte koshashënuesi më i mirë te skuadra nga Drenasi me 24 pikë, derisa u ndihmua edhe nga Mustafë Merovci me 20 pikë e 6 kërcime.
Vlen të ceket edhe performanca e mirë e të riut Don Polloshka, i cili ishte afër shifrave triple-double. Ai luajti me 7 pikë, 11 asistime e 10 kërcime.
Te Vushtrria u dalluan Albelard Rashiti me 15 pikë dhe Baton Dervishi me 14 pikë, duke qenë të vetmit me pikë dyshifrore te kjo skuadër.
Feronikeli gjendet në krye të tabelës me 12 fitore dhe asnjë humbje, kurse Vushtrria ka bilanc prej 3 fitoreve e 9 humbjeve deri më tani.
