PRISHTINA - FLAMURTARI
Flamurtari ia lëkund karrigën Josës
30 September, 2018 @20:43
Prishtina, në krye me trajnerin Mirel Josa, e ka rritur në katër serinë e ndeshjeve pa fitore në Superligë. Bardhekaltërit që po kalojnë në krizë të rezultateve, janë ndalur kësaj radhe nga befasia e sivjetme, Flamurtari.
Prishtina që nga minuta e tetë ishte në epërsi me golin e mbrojtësit Armend Thaqi. Por kjo epërsi zgjati deri në minutën 87’, pasi zëvendësuesi Getoar Dragusha e barazoi rezultatin në 1-1, i cili ishte edhe rezultati përfundimtar i këtij takimi.
Pas golit të Dragushës, Korenica pati në rast shënimi për Prishtinën, por që i mungoi saktësia.
Vlen të ceket se në këtë ndeshje pati katër zëvendësime të detyrueshme për shkak të lëndimeve, nga dy për që të dyja skuadrat.
11-shet startuese
| PRISHTINA: | Bekaj, Dallku, Thaqi, Bashiru, Bekteshi, Miftaraj, Mustafa, Korenica, Arago, Morina, Khalid | ||
| FLAMURTARI: | Neziri, Maxhuni, Quansah, Kabashi, Dumani, Bruqi, Zeqiri, Boshnjaku, Krasniqi, Maliqi, Shillova |
