Toma shënon golin e parë për sivjet

Mesfushori i talentuar shqiptar, Bastien Toma, ka shënuar golin e tij të parë për sivjet në kampionatin zviceran.

Futbollisti i skuadrës Sion, ishte njëri nga realizatorët në fitoren 3-0 të skuadrës së tij ndaj Luzernit të Idriz Vocës dhe Shkëlqim Demhasajt.

Toma shënoi në minutën 54’ pas një kundërsulmi të shpejtë, ndërsa asisti i golit erdhi nga mesfushori i Shqipërisë, Ermir Lenjani.

Treshja Toma, Lenjani dhe Voca luajtën gjatë gjithë ndeshjes, kurse Demhasaj u inkuadrua në pjesën e dytë në këtë takim, sikurse edhe Pajtim Kasami për Sionin.