Franca - Shqipëria, çmimet e bilateve

Federata Shqiptare e Futbollit përmes një komunikate në faqen zyrtare ka bërë të ditur se biletat për ndeshjen Francë-Shqipëri do të dalin në shitje javën tjetër.

Shitja e biletave për miqësoren e kuqezinjëve që luhet në Rennes të Francës do të dalin në shitje nga data 29 tetor, derisa takimi zhvillohet më 14 nëntor.

Për tifozët shqiptarë biletat do të kenë çmime 15€ dhe 65€, derisa FSHF ka tërhequr vërejtjen tifozëve të mos i blenë ato diku tjetër përveç zyreve të FSHF-së.

Biletat për këtë ndeshje janë përcaktuar nga Federata e Futbollit Francez dhe FSHF-ja nuk ka bërë asnjë shtesë në çmim.

Franca është nikoqire e europianit të ardhshëm EURO 2016 dhe e ka të detyruar të luajë nga dy ndeshje miqësore me pjesëmarrësit e Grupit I kualifikues, ku bën pjesë edhe Shqipëria, pasi që në këtë grup bëjnë pjesë vetëm 5 përfaqësuese për dallim nga grupet tjera, ku janë gjashtë.

Shqipëria është aktualisht lidere e Grupit I kualifikues pas fitores madhore në Portugali dhe barazimit me Danimarkën në Elbasan Arena.