FIFA RANKING
BOROZANI/ Lis Dorambari
Tre pozita më poshtë
23 October, 2014 @11:42
Barazimi me rezultat 1-1 i Shqipërisë me Danimarkën në Elbasan, nuk i ka bërë mirë asnjërës palë.
Pas ngritjes prej +25 vendeve në muajin e kaluar, kuqezinjtë këtë muaj kanë tre hapa prapa për t’u renditur në pozitën e 48.
Megjithatë, në krahasim me kundërshtarët tjerë të grupit të Shqipërisë në eliminatoret për EURO 2016, mund të themi se vetëm Portugalia ka marrë rezultat më të mirë se ne.
Portugezët kanë përparuar për dy pozita duke hyrë në TOP 10-she, përkatësisht në pozitën e nëntë.
Danimarka ka rënë për 5 pozita dhe tani gjendet në pozitën 32, Serbia gjendet vetëm një pozitë para Shqipërisë, kurse Armenia tani është renditur në pozitën 75, apo 23 pozita më poshtë se pozita e mëparshme.
Loja e papërfunduar ndërmjet Serbisë dhe Shqipërisë, nuk është marrë fare parasysh në llogaritjet e FIFA-s për renditjen e muajit tetor.
Renditja e FIFA-s për muajin tetor
| 1. Gjermania | 1669 pikë | - | |
| 2. Argjentina | 1565 pikë | - | |
| 3. Kolumbia | 1420 pikë | - | |
| 4. Belgjika | 1388 pikë | +1 | |
| 5. Holanda | 1375 pikë | -1 | |
| 6. Brazili | 1307 pikë | - | |
| 7. Franca | 1191 pikë | +2 | |
| 8. Uruguaji | 1184 pikë | -1 | |
| 9. Portugalia * | 1175 pikë | +2 | |
| 10. Spanja | 1119 pikë | -2 | |
| 32. Danimarka * | 763 pikë | -5 | |
| 46. Serbia * | 614 pikë | -12 | |
| 48. Shqipëria | 604 pikë | -3 | |
| 75. Armenia * | 432 pikë | -23 | |
| Sqarim: Shtetet me shenjë (*) janë në të njëjtin grup me Shqipërinë |
