Frikë rreth transferimit të Firpo tek Milan

Maldini dhe drejtuesit e skuadrës AC Milan kanë nisur merkaton e verës dhe se ata nuk e kanë ndërmend të ndalen siç njofton kohë pas kohe edhe drejtori teknik i kësaj skuadre.

Kuqezinjtë e kanë nisur merakton me portierin e kampionit aktual në Francë, Lille, i cili do të jetë i lidhur me ngjyrat kuqezi për pesë vjet, me një pagë sezonale prej 3 milionë eurosh. Klubi kuqezi këto ditë pritet të zyrtarizoj edhe blerjen e mbrojtësit anglez, anëtarit të Chelsea, Tomori, i cili iu është huazuar ekipit të Milan sezonën që lamë pas. Ndërkohë që vazhdojnë ende bisedimet edhe për Tonali,  blerje e cila poashtu pritet të zyrtarizohet javen e ardhshme.

Por, nuk janë vetëm këto synime apo objektiva të cilat i ka vendosur Maldini bashkë me Piolin(menaxheri i klubit te Milanos së Italisë). AC Milan janë në kontakte që prej sezonit të kaluar edhe me klubin spanjoll, Barcelona. Bëhet fjalë për mbrojtësin e kësaj skuadre, Junior Firpo.

Siç raporton edhe “La Gazzetta dello Sport” këtë mëngjes, të dy klubet po diskutojnë shumën e blerjes që do të përfshihet në huazim. Gjithçka ka ngecur sepse klubi i Italisë nuk do të donte më shumë se 15 milion euro për vlerësimin e mbrojtësit.

Barcelona e vlerëson 20 milonë euro dhe deri tani nuk është tërhequr nga kjo shifër.

Firpo nuk duket i kënaqur, pasiqë ka frikë se edhe klubi i AC Milan do ta mbaj vetëm si huazim një vjeçar dhe nuk do ta ketë fatin të jetë pjesë e kësaj skuadre.