AUSTRIA

Suspendohet Marko Arnautovic
16 June, 2021 @14:29
Komisioni Disiplinor i UEFA-së ka suspenduar futbollistin e Austrisë, Marko Arnautovic.
Pasi që u vërtetuan fyerjet e tij drejtuar lojtarëve shqiptarë të Maqedonisë Veriore në përballjen Austria - Maqedonia Veriore, KD i UEFA-së ka dhënë suspendim me një ndeshje për futbollistin austriak.
Kështu Arnautovic do të mungojë në përballjen e radhës të Austrisë në EURO 2020 ndaj favoritëve të grupit, Holandës.
Austria fitoi Maqedoninë Veriore në këtë ndeshje me rezultat 3-1, ndërsa i suspenduari shënoi golin e fundit të skuadrës.