Fund dramatik, Vushtrria e 2 Korriku ndahen në barazim

Në ndeshjen e luajtur sot në Vushtrri, skuadra vendase e Vushtrrisë dhe ajo e 2 Korrikut nga Prishtina kanë barazuar 1-1.

Ndeshja ishte pa gola deri në kohën shtesë të takimit, e krejt në fund të ndeshjes erdhën dy gola.

TABELA AKTUALE

Fillimisht, për 0-1 të mysafirëve shënoi Qëndrim Sejdiu, e një minutë më vonë nga pika e bardhë për vendasit barazoi Labinot Osmani dhe kështu ndeshja u mbyll me barazim.

Ky barazim i ka mjaftuar 2 Korrikut që ta ruajë vendin e parë të Grupit B të Ligës së Parë, kurse Vushtrria momentalisht është e katërta në këtë grup.