Gabriel, merr lejen e punës, pritet zyrtarizimi

Arsenal do të përforcojë mbrojtjen për ndeshjet e mbetura të stinorit si në Premier League, ashtu edhe në Ligë të Kampionëve. 

Ekipi londinez, pritet që të zyrtarizojë mbrojtësin brazilian Gabriel Paulista, që do të vesh fanellën e Topçinjëve, pasi që këta të fundit i paguan Villarealit 13 milionë funta si dëmshpërblim, për shkëputje të kontratës. 

Faqja zyrtare e Villarealit ka bërë të ditur se brazilianit i është dhënë sot leja e punës në Angli dhe shumë shpejt pritet që të zyrtarizohet si përforcim te Arsenali, derisa tashmë ish ekipi i tij i ka dhënë lamtumirën atij. 

Gabriel është 24 vjeçar, 187 centimetra i gjatë dhe ky ka qenë stinori i dytë i tij në Villareal, derisa para se të arrijë aty ka qenë pjesë e ekipit brazilian, Vitoria.