TURQI
Galatasaray, me aromë kampioni!
24 May, 2015 @21:03
Galatasaray ka arritur të shënojë fitore të madhe sonte para tifozëve të vetë, duke e mposhtur Besiktasin 2-0.
Yasin Oztekin dhe Wesley Sneijder kanë shënuar nga një gol për pjesë, për t’ia siguruar ekipit verdhekuq nga Stambolli, fitoren dhe trepikëshin e madh, që mund t’i bëj kampionë edhe nesër.
Një xhiro pa përfunduar stinori, Galatasaray ka 6 pikë më shumë se Fenerbahçe, që luan nesër ndeshjen e xhiros së parafundit.
Fenerbahçes i duhet fitorja patjetër nesër, në të kundërtën Galatasarayi shpallet kampion.
Përndryshe, Galatasarayit i duhet edhe një pikë në xhiron e fundit për të siguruar titullin.
Në rast se Galatasaray mposhtet në xhiron e fundit, ndërsa Fenerbahçe i fiton dy ndeshjet e fundit dhe barazohen me pikë, Fenerbahçe bëhet kampion.
TABELA AKTUALE E SUPERLIGËS TURKE:
| 1 | Galatasaray | 76 pikë | 33 ndeshje | |
| 2 | Fenerbahçe | 70 pikë | 32 ndeshje | |
| 3 | Besiktas | 66 pikë | 33 ndeshje |
