Gareth Bale - pensionohet nga futbolli

Në moshën 33-vjecare, Gareth Bale, ka vendosur që të pensionohet nga futbolli aktiv. Ish-lojtari i Southamptonit, Tottenhamit dhe Real Madridit ka shkruar se po “i var këpucët në gozhdë”.

“Pas një rishikimi të kujdesshëm dhe të menduar mirë, deklaroj se pensionohem nga futbolli aktiv nga klubet dhe kombëtarja. Ndjehem tejet i lumtur që kam arritur të realizojë ëndrrën time, duke e luajtur në nivele më të larta sportin që e dua, e që më ka dhënë momente ndër më të mira në jetën time,” ka shkruar ndër të tjera uellsiani Bale.