DIMËR I BUTË PËR DINAMON

Gashi e Orana për fitore, Dinamo dimëron lidere
29 November, 2023 @15:44
Dinamoja e Ferizajit që erdhi nga Liga e Dytë këtë stinor në Ligë të Parë dhe u vendos në Grupin A të saj, ka edhe një ndeshje për të mbyllë vjeshtën në kampionat, mirëpo ata kanë siguruar lidershipin dhe dimrin e qetë që tash.
Me fitore ndaj Phoenixit të drejtuar nga Faruk Statovci 2-0 [Dren Gashi 53’, Kenan Orana 60’] Dinamo ka regjistruar fitoren e nëntë kampionale dhe tashmë ka arritur në 30 pikë.
Phoenixi në anën tjetër do të duhet të punojë shumë gjatë pauzës dimrore, ashtu që të këndellet, pasi që ekipi mbetet i rrezikuar për rënie, me 11 pikë nga 14 ndeshje në pozitë të parafundit në Ligën e Parë - Grupi A.