VAZHDOJNË SERINË PA HUMBJE!
Rilindja 1974 merr pikë edhe ndaj ‘89-shit
27 November, 2023 @21:18
As Trepça’89 nuk ka arritur të rrëzojë ekipin e Rilindjes 1974, që ka arritur të dalë e pamposhtur në “Riza Lushta” sot. Seria pa humbje e Rilindjes 1974 e drejtuar nga Fisnik Gashi shkon në 5 ndeshje, prej të cilave dy fitore. Ndërkaq barazimi i sotëm pa gola ndaj ‘89-shit, Trepça’89 - Rilindja 1974 0-0.
Njëjtë në seri pa humbje është edhe ekipi i Shpëtim Idrizit, prej 5 ndeshjeve. E tash, me nga një pikë të fituar, Trepça’89 ka kaluar në vend të dytë, me 20 pikë nga 13 ndeshje, ndërsa Rilindja 1974 është e teta me 14 pikë.
