Gashi lider i golashënuesve, Basel në krye

Sulmuesi i kombëtares shqiptare, Shkelzen Gashi, me dy gola të shënuara sot në fitoren 3-0 të Baselit, ka rikthyer ekipin e tij në krye të elitës zvicerane të futbollit. 

Gashi, ka shënuar në minutën e 17-të dhe të 86-të për të siguruar fitoren, derisa në fund, Breel Embolo, ka përcaktuar rezultatin përfundimtar, 3-0. 

Me këtë fitore, Basel ka kërcyer dy pikë mbi Zurichun në krye të tabelës. 

Gjithashtu, me këtë dygolësh, Gashi ka kaluar Berat Sadikun në krye të listës së golashënuesve - duke arritur kuotën e nëntë golave të shënuara.