Gavazaj tregon arsyet e transferit te Skënderbeu

Futbollisti i talentuar, Enis Gavazaj, pas një aventure tre vjeçare te skuadrat belge, Gent dhe Roeselare, ka vendosur t’i bashkohet skuadrës kampione të Shqipërisë, Skënderbeut.

Ai arsyet e transferimit te ekipi korçar tregoi duke iu përgjigjur pyetjeve të tifozëve nëpërmjet faqes zyrtare të klubit.

“Pas aventurës në Belgjikë zgjodha t’i bashkohem familjes bardhekuqe pasi më ka bindur dhe filozofia e klubit. Këtu punohet me të rinjtë dhe ka një strategji të qartë pune,” ka thënë Gavazaj.

21 vjeçari po vlerësohet si një armë e re dhe e rëndësishme për krahët e skuadrës, sidomos pasi po pritet edhe largimi i Liridon Latifit këtë verë në një skuadër tjetër europiane.