E FUNDIT
Gentjan Mezani jep dorëheqje
30 November, 2020 @14:05
Trajneri i deritashëm i Gjilanit, Gentjan Mezani, ka dhënë dorëheqje dje menjëherë pas humbjes në derbi nga Drita.
Gjilani sot ka zyrtarizuar se ka pranuar kërkesën e trajnerit, që kishte ofruar dorëheqjen e tij dhe i ka uruar suksese në vazhdim të karrierës.
Për më tej, Gjilani ka bërë të ditur se në vazhdim ekipin kuqebardhë nga qyteti anamoravas do ta drejtojë drejtori sportiv i skuadrës Sallah Sherifi.
Kujtojmë Gjilani u mposht në mënyrë dramatike nga Drita dje në derbin lokal, duke qenë se humbi në minutat e fundit të ndeshjes kur pranoi dy gola për përfundimtaren 2-3.