Gërxhaliu sjell fitoren për Vushtrrinë

​Një numër i tifozëve të pranishëm në stadiumin Ferrik Aliu në Vushtrri nuk arritën ta shikojnë fundin e ndeshjes. Kjo për arsye se ata u detyruan t’i lëshojnë tribunat pas vendimit të gjyqtarit kryesor të ndeshjes, për shkak të hudhjeve të pandërprera të tyre ndaj futbollistëve të Drenicës.

Megjithatë, kjo nuk i pengoi skuadrës së Vushtrrisë të shënojë fitore me rezultat 1-0 ndaj skuadrës nga Skenderaj.

Goli i fitores së vendasve erdhi në minutën 78’, kur Mehmet Gërxhaliu u tregua i saktë duke e mposhtur portierin Imeri pas harkimit të francezit Aliou Traore.

Me këtë fitore Vushtrria arrin në 12 pikë dhe renditet në pozitën e katërt, ndërsa Drenica mbetet në 8 pikë në pozitën e dhjetë.

Rezultatet dhe tabela aktuale.