GJILAN
Gjilani pranë kreut
4 October, 2015 @16:46
Gjilani i është afruar në 2 pikë liderit të klasifikimit në krye të tabelës, pas fitores së sotme ndaj Vushtrrisë, me golat që u shënuan në pjesë të dytë të takimit.
Skuadra e Sedat Pajazitit, pas pjesës së parë të bardhë 0-0, në pjesë të dytë ka marrë avantazhin përmes një autogoli ndërsa pak më vonë ka siguruar vazhdim të lehtë të ndeshjes, kur Gëzim Rusi shënoi për 2-0 në të mirë të kuqebardhëve.
Në përgjithësi, Gjilani e dominoi ndeshjen në pjesën më të madhe të takimit dhe në çdo moment priste deri sa të vinte goli për të arritur te fitorja.
Kjo është fitorja e parë për Gjilanin pas 4 xhirove, derisa kishin regjistruar 2 barazime dhe 1 humbje në ndërkohë.
