WARRIORS vs PORTLAND
Kevin Durant në akcion/ Foto: nba.com
S’është Curry, s’ka problem - nënkampioni fiton
30 January, 2017 @10:18
Edhe pse u mungonte ylli i skuadrës Stephen Curry, Golden State Warriors mposhti Portland Trail Blazersin në “Moda Center”.
“Luftëtarët” gjatë ndeshjes e kishin krijuar epërsi prej 21 pikëve, por krejt në fund Evan Turner, e kishte rastin që t’ia sjellë fitoren skuadrës së Portlandit, por nuk arriti të shënojë dhe ndeshja përfundoi me rezultat 113-111 në favor të Warriors.
Kevin Durant shkëlqeu me 33 pikë, 10 kërcime e 6 asistime te nënkampioni, derisa u ndihmua edhe nga Klay Thompson me 27 pikë.
Golden State Warriors e regjistroi fitoren e 41-të, pas 48 ndeshjeve.
