Goli i Sadikut siguron Europën

Skuadra e treshes shqiptare, Burim Kukeli, Berat Xhimshiti dhe Armando Sadiku, Zurich, ka siguruar kualifikimin në Europa League duke shënuar fitore në javën e parafundit të kampionatit zviceran ndaj Luzernit.

Zurichu fitoi me rezultat minimal 1-0, derisa goli i vetëm në ndeshje erdhi pikërisht nga sulmuesi kuqezi, Sadiku, i cili pas një kohe të gjatë arriti ta tund portën kundërshtare.

Te Luzerni nga minuta e 60’ u inkuadrua në lojë edhe Jahmir Hyka, derisa i riu Fidan Aliti e përcjelli ndeshjen nga banka rezervë.

Zurich gjendet në pozitën e katërt me 50 pikë dhe së bashku me Thunin janë dy skuadrat nga Zvicra që do të luajnë në Europa League në stinorin e ardhshëm.