TRANFERI I UNITEDIT
Depay si Ronaldo!
25 May, 2015 @16:45
Ji-Sung Park është i bindur se transferimi i ri i Manchester Unitedit, Memphis Depay, do të jetë i suksesshëm në skuadrën e tij të re.
Në një prononcim për kanalin zyrtar televiziv të Manchester Unitedit, Park dha lëvdata për holandezin, duke çmuar aftësitë e tij në fushën e futbollit.
“Ai është akoma shumë i ri. Është vetëm 21 vjeçar, por unë luajta me atë dhe mund të them që ka potencial të madh. Është i fortë, ka aftësi të shkëlqyer në pasime dhe është mjaftë i talentuar. Disa atë po e krahasojnë me Cristiano Ronaldon, dhe unë mund ta kuptojë këtë. Ai është duke dëshiruar të bëhet më i miri dhe Unitedit mund ta ndihmojë atë në këtë drejtim. Është një transferim shumë i mirë për të dy palët,” tha Park.
Depay ditë më parë ishte zyrtarizuar si përforcimi i parë i djajve të kuq duke u transferuar nga PSV Eindhoven për 27.5 milionë euro.
