Falcao ndahet me Manchester Unitedin

Kolumbiani Falcao, ka kaluar një stinor të tërë si huazim në Old Trafford, por ka dështuar të impresionojë aty duke shënuar vetëm 4 gola në 26 paraqitje. 

Për këtë arsye, 29 vjeçari nuk është në planet e Manchester Unitedit për stinorin tjetër, kanë bërë të ditur mediat e huaja, duke transmetuar fjalët e trajneri Louis Van Gaal, për faqen zyrtare të ekipit. 

“Falcao është profesionist i nivelit më të lartë dhe njeri i mirë. Në emër timin dhe çdokujt tjetër në klub i dëshirojmë të ardhme edhe më të mirë,” ka thënë Van Gaal. 

Blerja e Falcaos do t’i kushtonte Manchester Unitedit 44 milionë funta, ndërsa rroga e lojtarit në fjalë është prej 250 mijë funtave në javë.